| کروں جان قرباں مدینے بلالیں |
| بھکاری پریشاں مدینے بلالیں |
| رہے پاک روضہ نظارہ نظر کا |
| نبی جی یہ دِل جاں مدینے بلالیں |
| ہے غمگین یہ دل گراں ہجر میں جاں |
| سخی شاہِ سلطاں مدینے بلالیں |
| عطا ہو اے داتا زبوں حال پر یوں |
| کریں مجھ کو مہماں مدینے بلالیں |
| اٹھاؤں مزے میں حضوری کے دائم |
| نظر جانِ جاناں مدینے بلالیں |
| فضائے مدینہ ارم مجھ کو آقا |
| ہوں معیوبِ عصیاں مدینے بلالیں |
| ہے درماں دکھوں کا چمن میں نبی کے |
| سخی شاہِ شاہاں مدینے بلالیں |
| یہ تن من ہے مولا بڑی دین تیری |
| اے محبوبِ رحمٰں مدینے بلالیں |
| صعوبت میں بھٹکوں یہ صحرا ہے دنیا |
| کرے غم پریشاں مدینے بلالیں |
| اے سِدرہ کے راہی اے اللّٰہ کے مہماں |
| حسیں نورِ یزداں مدینے بلالیں |
| مجھے نفس و شیطاں نے گھیرا ہوا ہے |
| زیاں کار انساں مدینے بلالیں |
| ہو قرباں یہ جیون سدا آلِ جاں پر |
| کرم تھامیں داماں مدینے بلالیں |
| اے اللہ کے دلبر رسولوں کے سرور |
| حزیں کو اے ذیشاں مدینے بلالیں |
| سوالی کرم کا یہ محمود تیرا |
| ہے عاجز پشیماں مدینے بلالیں |
معلومات