| اب تہہِ خاک ڈھونڈھتا ہے مجھے |
| ایک نمناک ڈھونڈتا ہے مجھے |
| ۔۔۔۔۔۔۔۔۔۔ ۔۔۔۔۔۔۔۔۔۔۔ |
| اب تلک خاک اڑ رہی ہے مری |
| اب تلک چاک ڈھونڈھتا ہے مجھے |
| ۔۔۔۔۔۔۔۔۔۔ ۔۔۔۔۔۔۔۔۔۔۔ |
| میری پہچان کھو گئی ہے کہیں |
| میرا اِدراک ڈھونڈھتا ہے مجھے |
| ۔۔۔۔۔۔۔۔۔۔ ۔۔۔۔۔۔۔۔۔۔۔ |
| وسعتِ خاک میں نہیں ہوں کہیں |
| اور افلاک ڈھونڈھتا ہے مجھے |
| ۔۔۔۔۔۔۔۔۔۔ ۔۔۔۔۔۔۔۔۔۔۔ |
| میری غزلوں پہ الجھنے کے لئے |
| کوئی بے باک ڈھونڈھتا ہے مجھے |
| ۔۔۔۔۔۔۔۔۔۔ ۔۔۔۔۔۔۔۔۔۔۔ |
| دشمنِ جان بن گیا ہے مرا |
| مارِ املاک ڈھونڈتا ہے مجھے |
| ۔۔۔۔۔۔۔۔۔۔ ۔۔۔۔۔۔۔۔۔۔۔ |
| کھو دیا اس نے خود مجھے مانی |
| اب وہ چالاک ڈھونڈھتا ہے مجھے |
معلومات