| کتنا جمیل ہے مرے شاہِ زماں کا رخ |
| تکتے ہیں مہر و ماہ اسی مہرواں کا رخ |
| اب کون روک پائے گا شوقِ خیال کو |
| ہم نے بھی کر لیا ہے اسی سائباں کا رخ |
| پھولوں سے جھوم جھوم کے آتی ہیں تتلیاں |
| جب کر لیا ہے ہم نے ترے آستاں کا رخ |
| جس سمت چل دیا تو بہاریں امڈ پڑیں |
| اتنا عظیم ہے یہ ترے کارواں کا رخ |
| جب اٹھ گئی نگاہ تو کایا پلٹ گئی |
| نظرِ کرم کی شان شہِ دو جہاں کا رخ |
| ارشدؔ تجھے بھی گنبدِ خضرا کی دید ہو |
| اللہ کرے نصیب تجھے مہرباں کا رخ |
| مرزاخان ارشدؔ شمس آبادی |
معلومات