| کسی کو کیا بتاتی میں |
| کسی کو کیا سُناتی میں |
| بہت لمبی کہانی تھی |
| بہت غمگین افسانہ |
| بہت گہری محبت تھی |
| بہت کم ظرف لوگوں سے |
| بہت مضبوط رشتے تھے |
| بہت کمزور لوگوں سے |
| وہ سب نظروں کا دھوکہ تھا |
| وہ جادوگر زمانے تھے |
| بہت آسان لوگوں کے |
| بہت مشکل بہانے تھے |
| لہو میں ڈوب کر پایا |
| سُراغِ زندگی میں نے |
| بہت بے ضر سے لوگوں کے |
| بہت قاتل نشانے تھے |
| تعلق جن سے رکھا تھا |
| تعلق ٹوٹ جانے پر |
| بہت سستے نکل آئے |
| بہت انمول جانے تھے |
معلومات