| زینبِ مضطر حال پریشاں |
| دشتِ بلا میں وہ ہے ہراساں |
| حشر بپا ہے بر سرِ میداں |
| کس کو پکارے کون نگہباں |
| بھائی پڑا ہے خون میں غلطاں |
| شامِ غریباں شامِ غریباں |
| بیبیاں کہتی ہیں یہی رو کر |
| پردہ بچا لو آ کے دلاور |
| اہلِ لعیں ہیں چھینتے چادر |
| درے لگاتے ہیں یہ ستمگر |
| سنتے نہیں کیوں نالہ و فغاں |
| شامِ غریباں شامِ غریباں |
| آلِ نبی پر کرتے جفائیں |
| اہلِ حرم کی گونجی صدائیں |
| شمرِ لعیں نے چھینی ردائیں |
| چہرہ چھپانے کو کہاں جائیں |
| بالوں سے کرتیں پردہ بیبیاں |
| شامِ غریباں شامِ غریباں |
| خیمے کے اندر آل ہیں تمام |
| اس پہ جلاتے لعیں ہیں خیام |
| اہلِ حرم میں مچ گیا کہرام |
| شعلوں کی زد میں آنے کو امام |
| غش میں پڑا ہے ہائے ناتواں |
| شامِ غریباں شامِ غریباں |
| سہمی ہوئی ہے بالی سکینہؑ |
| شہؑ کو پکارے شہؑ کا نگینہ |
| دشت میں ڈھونڈے بابا کا سینہ |
| گرتی ہے لاشوں پر وہ حزینہؑ |
| کہتی ہے رو کر باباؑ ہو کہاں |
| شامِ غریباں شامِ غریباں |
| اکبرِؑ نوشاہ شکلِ پیمبرؑ |
| نیزے پہ دیکھا گر پڑی مادر |
| اسکو پکارے یہی وہ کہہ کر |
| سہرا سجانا تھا مجھے اکبرؑ |
| مارا گیا تو مر گئے ارماں |
| شامِ غریباں شامِ غریباں |
| عونؑ و محمدؑ ماںؑ کے دلارے |
| مارے گئے ہیں دریا کنارے |
| قاسمِؑ مضطر آنکھوں تارے |
| ٹکڑے پڑے ہیں رن میں تمھارے |
| خشک دہن ہے سوکھی ہے زباں |
| شامِ غریباں شامِ غریباں |
| بے گور وکفن اے بھائی الوداع |
| قید ہوئی ماں جائی الوداع |
| سینے پہ سناں کھائی الوداع |
| الوداع میرے بھائی الوداع |
| قتل ہوئے تم اجڑا کارواں |
| شامِ غریباں شامِ غریباں |
| آلِ نبی پر ٹوٹے مصائب |
| روتا قلم ہے روتا ہے صائب |
| مرثیہ سن کے اللہ کا نائبؑ |
| کہتا حسن سے سن کے مصائب |
| خون ہوں روتا چاک گریباں |
| شامِ غریباں شامِ غریباں۔ |
معلومات