| ہم ہیں زندہ یار سہارے |
| ہم کو آ ملو یار پیارے |
| جب بھی ہم ملے دونوں کہیں پر |
| ملتے ہم تھے نہر کنارے |
| آ جا پھر تو اُسی لبِ نہر |
| تجھ کو تیرا یار پُکارے |
| اِک دوجے کو دُکھڑے سُنائیں |
| ہم نے یہ دن کیسے گزارے |
| میں تو غموں میں گھِر چُکا ہوں |
| کیسے بیتے یہ سال تمھارے |
| تم یاد آئے دن آئے ہو |
| راتیں گزاریں گِن گِن تارے |
| یوں میرے دل کو صبر آیا |
| کتنے لوگ ہیں غم کے مارے |
| کب ہم پھر اِک ساتھ رہیں گے |
| کب پلٹیں گے دِن یہ ہمارے |
| تم گزرے دِن بھول گئے ہو |
| ملتے ہیں کچھ ایسے اشارے |
| اب تو آ جاؤ میرے یار |
| تم ہی جیتے ہو ہم ہارے |
| یار کے پیار میں سب کچھ کھویا |
| ہونے دو اب مسعوؔد خسارے |
معلومات