| نہ ہے اس کے جیسا ہزاروں میں کوئی |
| کہاں گل ہے ویسا بہاروں میں کوئی |
| بسائے ہوئے ان گنت داغ دل میں |
| ہنسے چاند جیسے ستاروں میں کوئی |
| یہ فطرت کہ اپنا وہ سمجھے سبھی کو |
| نہ سمجھا اسے اتنے یاروں میں کوئی |
| کرے اف تلک کب دل و جاں جلاکر |
| دکھوں کے سلگتے شراروں میں کوئی |
| ہے ایسا سخی غم کے ماروں میں کوئی |
| بنے وہ بھی قابل جو قابل نہیں ہے |
| بھرے جوش ان بے سہاروں میں کوئی |
| بہن ماں پسر سب کے سب ہیں یہاں پر |
| اکیلا لگے رشتے داروں میں کوئی |
| ہے اتنا بھروسہ مگر یاد رکھ دل |
| دغا دے نہ دے جاں نثاروں میں کوئی |
| لگائی شریفوں نے خود ہی قظاریں |
| دکھے بھی تو انساں قطاروں میں کوئی |
| خوشامد نہیں کی تبھی تو ضیا کو |
| بالآخر رکھا عیب داروں میں کوئی |
معلومات