| مرے آقا مرے مولا متائے بے بہا دے دو |
| عطا کر کے دلِ بینا اُجالوں کا پتہ دے دو |
| متاعِ زندگی میری ہے گم تاریک راہوں میں |
| مجھے علمِ محبت کا کوئی روشن دیا دے دو |
| زمانے بھر کا ٹھکرایا ترے در پر ہوا حاضر |
| کرم کر دو مرے سرکار قدموں میں جگہ دے دو |
| سخن احمد رضا جیسا نہ فن مہرِ علی جیسا |
| ثنا گوئی کا فن مجھ کو حبیبِ کبریا دے دو |
| ترے بندوں کی راہوں میں رہیں آقا مری پلکیں |
| عتیقِ بے نوا کو یا نبی چشمِ وفا دے دو |
معلومات