| ہے دل کا یہ ارماں میں نعتیں سناؤں |
| ہو خوشیوں کا ساماں میں نعتیں سناؤں |
| نبی کے ہوں نغمے سدا میرے من میں |
| پڑھوں رب کا قرآں میں نعتیں سناؤں |
| مجھے بھی اے مولا عطا ہو بصیرت |
| جو کامل ہیں سلطاں میں نعتیں سناؤں |
| ہیں رحمت خدا کی وہ شہکارِ ہستی |
| اے دل ان کی ہر آں میں نعتیں سناؤں |
| نبی شانِ ہستی ہیں محبوب رب کے |
| ملا ان سے ایماں میں نعتیں سناؤں |
| علیٰ ذکر جن کا ہوا ہر جگہ ہے |
| نبی ہیں سخی جاں میں نعتیں سناؤں |
| جو محمود شافی بنے امتوں کے |
| وہ ہیں نورِ یزداں میں نعتیں سناؤں |
معلومات