| سرِ شامِ ہجر دِوانے گھر تو نہیں گئے |
| ذرا دیکھ تو لو کہیں وہ مر تو نہیں گئے |
| چلو مان لیتے ہیں خاک ہوکے ہی آئے ہیں |
| مگر اپنے وعدے سے ہم مکر تو نہیں گئے |
| کسی رات سے مجھے دشتِ ذات میں لائے ہیں |
| ترے ہجر جانِ جاں بے اثر تو نہیں گئے |
| کسی دل گلی میں کہیں وہ حشر بپا نہیں |
| کہیں وہ بھی دل سے مرے اتر تو نہیں گئے |
| سفرِ جنون بھی ختم ہونے کو آیا ہے |
| وہ تمہاری یاد کے زخم بھر تو نہیں گئے |
| ہمیں بھی خبر نہیں ہم کہاں گئے اس کے بعد |
| مگر اس کے کوچے سے اٹھ کے گھر تو نہیں گئے |
| ارے بے خبر ذرا دیکھ دل کے سرائے میں |
| وہ جو قافلے رکے تھے گزر تو نہیں گئے |
| رہِ شوق میں ہوئے ہیں اگرچہ لہو لہو |
| مرے لڑکھڑاتے قدم ٹھہر تو نہیں گئے |
| یہ تمہارے چہرے کا دیکھو رنگ ہی اڑ گیا |
| ہمیں زندہ دیکھ کے آپ ڈر تو نہیں گئے |
| یہ اٹھا ہے شور کہاں کہیں مرے گھر کے پھول |
| کسی آئینے کی طرح بکھر تو نہیں گئے |
| یہی دم بہ دم رہی باغبانِ چمن کو فکر |
| کہیں خار دامنِ گل کتر تو نہیں گئے |
| بڑی دیر دریا کو دیکھے جا رہے ہو جناب |
| کہیں آپ کوئی ارادہ کر تو نہیں گئے |
معلومات