| خدایا یہ کافور غم مانگتا ہوں |
| جو فیضِ جلیلِ حرم مانگتا ہوں |
| حبیبِ خدا پر فدا جان کر دوں |
| کریما یہ عزمِ اتم مانگتا ہوں |
| شہے دو سریٰ کا میں ادنیٰ گدا ہوں |
| ملے دید شاہِ امم مانگتا ہوں |
| اِس اُمّت پہ مولا جو مُشکل ہے بھاری |
| ختم اِن پہ سارے سِتم مانگتا ہوں |
| ہوں نامِ نبی پر فدا مُومنیں سب |
| ذرا ان کے بازو میں دَم مانگتا ہوں |
| سدا رشکِ سلطاں گدا مصطفیٰ کے |
| نبی کا میں نقشِ قدم مانگتا ہوں |
| جوانانِ اُمت چلیں راہ سیدھی |
| ملے ان کو صدق و حلم مانگتا ہوں |
| وہ شاہیں اُڑیں اُونچے آفاق پر پھر |
| بنیں پاسبانِ حرم مانگتا ہوں |
| حسیں راہ سیدھی رسولِ خدا کی |
| نہیں جس پہ کوئی الم مانگتا ہوں |
| ہے شاہی سے بہتر گدائی نبی کی |
| مدینے میں صحنِ حرم مانگتا ہوں |
| رکے ہیں جو برزخ کے عالم میں مومن |
| میں اُن کا ٹھکانہ اِرَم مانگتا ہوں |
| ہے محمود عاصی گدا اُن کے در کا |
| کریں اس پہ آقا کرم مانگتا ہوں |
معلومات