| مہکی مہکی سی جو آج ساری فضا |
| لگتا ہے کھل گئے گیسوئے مصطفی |
| والضحی چہرا، والیل گیسو ترے |
| واہ! یہ کتنا پیارا ہے نقشہ ترا |
| شان رکھتی ہے ایسی نرالی وہ زلف |
| تذکرہ اس کا کرتا کلامِ خدا |
| شہ کی زلفیں وہ پیاری تھیں اتنی دراز |
| چومتیں ناز سے شانۂ مصطفی |
| ایسے دیوانے اصحاب گیسو کے وہ |
| جمع کرتے سبھی گیسوئے مجتبی |
| فتح جنگیں جو سیفِ الہی نے کیں |
| برکت ان گیسوؤں کی تھی سب نے کہا |
| عاجز ان زلفوں کا ابرِ رحمت اے کاش |
| برسے ہم پر چھما چھم مری ہے دعا |
معلومات