| تھم گئی ہیں وقت کی نبضیں قیامت آ گئی |
| ابنِ آدم کی مجھے لگتا ہے شامت آ گئی |
| کون ہوں کس دیس سے آیا ہوں مَیں کس کو پتہ |
| آپ آئے تو مرے قد میں بھی قامت آ گئی |
| ابتدائے عشق میں تھا کچھ تلوّن آشنا |
| ٹھوکریں پڑتی گئیں تو استقامت آ گئی |
| یہ مریدوں کا کرم ہے معجزے ہونے لگے |
| آج تک لا علم تھا ایسی کرامت آگئی |
| جب کسی سائل نے فاقوں کی سنائی داستاں |
| اپنے اسرافات پر واللہ ندامت آ گیٔ |
| ختم ہو گیں عسرتیں کب کب ڈھلے گی شامِ غم |
| ہم سبھی محشر میں ہیں اک اک علامت آگئی |
| وہ بھی دن تھے خواجہ صاحب بات کر آتی نہ تھی |
| اب تو اللہ کا کرم ہے کچھ نظامت آگئی |
معلومات