| وہ پرندوں کے پَر کُترتا ہے |
| کنتا ظالم ہے کچھ بھی کرتا ہے |
| میں تو ہر شب دیے جلاتا ہوں |
| چاند ہے وہ , کہاں اُترتا ہے |
| شام رہتی ہے میری چوکھٹ پے |
| تُو , اُجالوں کی بات کرتا ہے |
| تیرے بن زندگی ہے بے معنی |
| جیتا ہے وہ, جو تُم پہ مرتا ہے |
| دیکھ یہ چہرہ خال و خد میرے |
| کوئی بکھرے تو یوں بکھرتا ہے |
| پڑھ غزل اور تھوڑا کر محسوس |
| کارواں , یاد کا گُزرتا ہے |
| لے منافع , حساب رہنے دے |
| ایسی باتیں بھی کوئی کرتا ہے |
| تجھ کو حاصل ہیں اختیار سبھی |
| وار کر , کیوں کسی سے ڈرتا ہے |
| یار کچھ تو خدا کا خوف بھی کر |
| اپنے وعدے سے , کیوں مُکرتا ہے |
| حکم کیجے تو ایسے کہتا ہے |
| جیسے سچ مچ ہی پیار کرتا ہے |
| کیا ضرورت ہے اُسکو تیروں کی |
| وہ , نگاہوں سے وار کرتا ہے |
| تُو بھی یاسر قسم سے پاگل ہے |
| اس طرح , کون کس پہ مرتا ہے |
معلومات