| پریشاں حال رہتا ہوں مری آقا خبر کیجئے |
| پلا کر شربتِ دید ار مرا ٹھنڈا جگر کیجئے |
| خطائیں ہم سے ہوتی ہیں خطاؤں پر ہیں شرمندہ |
| علی کے لاڈلوں کے واسطے ہم پر نظر کیجئے |
| میں بے کس بے سہارا آپ کے در کا سوالی ہوں |
| مری قسمت میں آقا پھر مدینے کا سفر کیجئے |
| مرے سید رسول اللہ بڑا ہی بے عمل ہوں میں |
| چھلکتا جام عشق آقا خدا را اب ادھر کیجئے |
| مرے ماں باپ کی قبریں بنادو باغ جنت کا |
| عتیقِ بے نوا کے سب عزیزوں پر نظر کیجئے |
معلومات