| شیوہِ مسلمانی آپ کی وِساطَت ہے |
| آپ کا کرم ورنہ میری کیا جَسارَت ہے |
| آپ کی محبت میں ایسی میری حالت ہے |
| کل بھی تو قیامت تھی آج بھی قیامت ہے |
| شکر ہے خدا کا اسلام کا محافظ ہوں |
| آپ کی نوازش ہے آپ کی عنایت ہے |
| آسرا ہے مجھ کو بَس آپ کی شفاعت کا |
| خوب جانتا ہوں میری کیا حقیقت ہے |
| چاند ہو گیا ٹکڑے انگلی کے اشارے سے |
| خوبیِ کرامت ہے معجزہ رسالت ہے |
| رات میں ہُوا طے معراج کا سفر کیسے |
| عرش و فرش میں کافی صدیوں کی مسافت ہے |
| اِک مقام رکھتا ہے مرتبہ امامت کا |
| خاتم الرسل آقا آپ کی نبوت ہے |
| آپ کی اطاعت میں زندگی مری گزرے |
| رشحہِ قلم سے تنویر کی کتابت ہے |
| تنویرروانہ |
معلومات