| بس اتنی بات تھی |
| اک دن |
| اسے اس کے کسی اک آشنا نے |
| دور سے آواز دی تھی اور |
| وگرنہ وہ تو مجھ سے ملنے والی تھی |
| اسے میں نے بلایا تھا |
| اسے تو مجھ سے ملنا تھا |
| اچانک کیا ہوا |
| اس کے قدم رستہ بدلنے کیوں لگے |
| میری محبت جھوٹ نکلی |
| اور پھر بے باک ہو کر |
| چل پڑی رستہ بدل کر وہ |
| اس اپنے آشنا کی بات سننے |
| اس نے سوچا ہی نہیں، جانا نہیں |
| میری محبت جھوٹ نکلی |
| کاش! اسی دم موت آ جاتی مجھے |
| وہ دیکھتی میرا جنازہ |
| آشنا آ کر تسلی دینے لگتا |
| وہ بہت روتی، مگر |
| میری محبت جھوٹ نکلی |
| پھر میں تنہاؔ چل دیا |
| اپنا جنازہ اپنے کاندھوں پر اٹھائے |
| مسکرایا آشنا اس کا |
| مری احساسِ محرومی پہ |
| اس دن بڑھ گیا ایمان |
| اس کے آشنا کا پنجتن پر |
| اور یقیں جاتا رہا میرا |
| خدا سے |
| بات اتنی تھی |
| محبت جھوٹ نکلی تھی |
معلومات