| نبی میرے سخی سرور حبیبی مصطفیٰ آقا |
| ہیں دلبر دو جہانوں کے کریمی جانِ ما آقا |
| مبارک ہو زمانے کو نبی تشریف لاتے ہیں |
| سخی رحمت جہانوں پر دہر کا آسرا آقا |
| حسن آیا ہے جوبن پر ورودِ مصطفیٰ سے یوں |
| درود اُن پر خدا بھیجے خدا کے دلربا آقا |
| سدا زینت جہانوں کی نبی مختارِ ہستی ہیں |
| یہی میرے جو پیارے ہیں بہارِ دو سریٰ آقا |
| حسیں سالارِ اعظم جو صفِ مرسل کے دولہا ہیں |
| بنے ختمِ رسل ہادی خلق کی ابتدا آقا |
| نبی کے جدِ امجد ہیں خلیل اللہ ذبیح اللہ |
| کہا لولاک خالق نے خلق کے مدعا آقا |
| ہوئے مخلوق میں شامل جو واصل کبریا سے ہیں |
| کہیں محمود دل والے دہر کا حوصلہ آقا |
معلومات