| بچھڑنے پر ہی سہی اس کا کچھ بیاں تو ملا |
| بچھڑتے وقت کوئی نقشِ جاوداں تو ملا |
| میں کیا نہ کرتا رہا کچھ نہیں ملا لیکن |
| میں خود کو دشتِ محبت میں رائگاں تو ملا |
| پھر ایک وعدے پہ ہے متفق دلِ بے بس |
| چلو اِسے کسی منزل کا کچھ نشاں تو ملا |
| درونِ ذات ہے تاریکئِ فراق مگر |
| مجھے یہیں پہ کوئی اہلِ داستاں تو ملا |
| نہیں پتا مجھے اس بار آرزو کیا ہے |
| سفر کا شوق سہی دل کو امتحاں تو ملا |
| اگر نہیں ملا کچھ حسبِ آرزو تو کیا؟ |
| مجھے زمیں تو ملی مجھ کو آسماں تو ملا |
| یہ رنج الگ کہ مرے بعد وہ اکیلا ہے |
| یہ لطف الگ کہ وہ ہر بار بے اماں تو ملا |
معلومات