سردیوں کے موسم میں |
جب جھڑی نہ رکتی تھی |
سخت یخ لحافوں میں |
ہم کتابیں پڑھتے تھے |
گرم گرم چائے سے |
بھاپ اٹھتی رہتی تھی |
کھڑکیوں کے شیشوں پر |
دھند سی چپکتی تھی |
ان پہ انگلیوں سے ہم |
نقش کچھ بناتے تھے |
یاد تم ہی آتے تھے |
ہجرتوں کے موسم میں |
کوہسار والے ہم |
آ بسے ہیں صحرا میں |
گرمیاں تو آتی ہیں |
سردیاں نہیں آتیں |
گرم گرم چائے سے |
بھاپ بھی نہیں اٹھتی |
کھڑکیوں کے شیشوں پر |
دھند بھی نہیں آتی |
نقش ہی نہیں بنتے |
یاد تم نہیں آتے |
معلومات