| پڑی تھی پاؤں میں خوابوں کی لاش ، کیا کرتے |
| ہم اپنے راز زمانے پہ فاش ، کیا کرتے ؟ |
| تلاش کر نہ سکے اپنی ذات ہی کو اگر |
| یہاں خدا کی بھلا ہم تلاش کیا کرتے |
| ہمیں جو ہر قدم امّید نے دلاسہ دیا |
| بُھلا کے ہم اسے ، دل کو نراش کیا کرتے |
| اگر نظر میں نہ مخزن کی جستجو ہوتی |
| کسی چٹان کو ہم پاش پاش کیا کرتے |
| نظام ہوتا نہ گر کوئی کہکشاؤں میں |
| ستارے اپنی زمیں قاش قاش کیا کرتے |
| سوار سر پہ ہمارے رہا وہاں کا حساب |
| یہاں پہ شوق سے ہم بود و باش کیا کرتے |
| جو غور کر لیا ہوتا یہاں پہ کیوں آئے |
| بروزِ حشر سبھی کاش کاش ، کیا کرتے |
| نہ بنتا گر کبھی ابلیس ہی گُرو ان کا |
| زمانے بھر کے سبھی بد قماش کیا کرتے |
| عطا جو کی گئی طارق ، ہے کان ہیروں کی |
| تو پتھروں کے صنم ہم تراش ، کیا کرتے |
معلومات