آفاق میں بلند ہے رتبہ حسین کا |
اللہ کا حبیب ہے نانا حسین کا |
حسن و حسین فاطمہ حضرت علی کی ذات |
بے مثل ہے جہان میں کنبہ حسین کا |
کرب و بلا سے ایسی جسارت ہے مل گئی |
جھکتا نہیں کہیں بھی دِوانہ حسین کا |
رن میں یزیدیوں کے کلیجے دہل گئے |
اکبر نے جب لگایا ہے نعرہ حسین کا |
ناموسِ مصطفیٰ پہ فدا جان کر دیا |
معصوم شیر خوار ہے بچہ حسین کا |
سجدے میں سر کٹا دیا زہرہ کے لال نے |
اعلیٰ ہے کتنا دیکھئے تقویٰ حسین کا |
آقا مِرا حسین مِرا بادشاہ حسین |
ہر سمت اب کھنکتا ہے سکہ حسین کا |
حاجت کسی بھی در کی تصدق نہیں رہی |
جب سے بنا ہوں باخدا منگتا حسین کا |
معلومات