| روشن جہان کرتا دائم ہے نور تیرا |
| دیکھے نہ دیکھے ہستی ہر جا ظہور تیرا |
| ہر ملک پر الٰہی تیری ہے بادشاہی |
| ہر خیر کا خزانہ رہتا ہے پُور تیرا |
| رونق عطا سے تیری سارے چمن میں پھیلی |
| سارا نظامِ ہستی ربِ غفور تیرا |
| موسیٰ نے طور پر تھی دیکھی حسیں تجلیٰ |
| ہے مصطفیٰ نے لیکن پایا حضور تیرا |
| تو چھُپ کے منظروں میں کرتا ہے خود نظارہ |
| ادراک سے ورا بھی ہر قُرب و دور تیرا |
| مبداءِ خلق تجھ سے تیرے جہان سارے |
| صبحِ صفا ہے تیری یومِ نشور تیرا |
| محمود دونوں عالم تابع ہیں کبریا کے |
| تجھ کو ملا خدا سے سارا شعور تیرا |
معلومات