| خیرہ آنکھوں کو کریں حسن وہ رخسار و دہن |
| ہوش سے کر دے جو بیگانہ تھی مہکارِ بدن |
| خود خدا نے وہ تراشا تھا صنم ایسا حسیں |
| میں چلا جاتا تھا کرتے ہوئے دیدار مگن |
| سبز کپڑوں میں وہ ملبوس تھی وادی مخمل |
| جن میں گاتے ہوئے چلتی ندی کہسار دمن |
| دن دہاڑے جو لُٹا ہوں تو بتاؤں اتنا |
| رہن رکھ آیا دل و جان میں اس کے آنگن |
| آئی تھی اس کو جلانے کے لئے بادِ سموم |
| لوٹ کے پھر سے بہار آئی کُھلا صحنِ چمن |
| کس نے انڈیلا تھا ایندھن مرے دروازے پر |
| آگ کس کس نے لگائی جو ہوا شعلہ فگن |
| لگ گئی کس کی نظر جانے نہ انجانے میں |
| یوں لگا بر سرِ پیکار ہوئے ہیں دشمن |
| پھر سے محفل ہوئی آباد لگی رونق ہے |
| آکے دیکھے تو سہی آج کوئی اس کی پھبن |
| دیں ملائک جو نہ دستک ترے دل پر آکر |
| یونہی باتوں سے تو پیدا نہ ہوں شہکار سُخن |
معلومات