| یہ سرورِ طیبہ ہی دل جانِ زمانہ ہے |
| داتا ہے جو ہستی کا مختار یگانہ ہے |
| پھر عکس دکھا مولا رہتا ہے جو سینے میں |
| ہو کرم سخی تیرا درِ یار نشانہ ہے |
| وہ حسنِ جہاں آقا دلبر ہیں جہانوں کے |
| بس اُن پہ درودوں سے اک گجرہ بنانا ہے |
| پہچان ملی اُن سے اُس خالقِ ہستی کی |
| محبوبِ دو عالم نے ہمیں پار لگانا ہے |
| اس ذاتِ کریمی سے رونق ہے جہانوں میں |
| دلدارِ زمانہ کا ہر لب پہ ترانہ ہے |
| حامد ہیں سخی آقا محمود ہیں جو آقا |
| مدحت اس سرور کی اک ورد سہانا ہے |
| محمود نبی میرے سرکارِ دو عالم ہیں |
| اور شانِ رسالت پر قربان زمانہ ہے |
معلومات