.jpg)
| حُسن گر بے نقاب ہو جائے |
| عِشق تو لا جواب ہو جائے |
| اتنی مَستی ہے اُن کی آنکھوں میں |
| پانی دیکھیں شَراب ہو جائے |
| گَر وہ آ ئیں ہمارے آنگن میں |
| اُن پہ قُرباں شَباب ہو جائے |
| وہ لگائیں جو مُجھ کو سینے سے |
| مُبتَدی باریاب ہو جائے |
| لے کے بیٹھے قلم وہ ہاتھوں میں |
| لَوح میری کتاب ہو جائے |
| نورِ وَحدت ہے جِن کے چہروں پر |
| دِید اُن کی ثواب ہو جائے |
| اِک سوارِ بُراق کی خاطر |
| میری گردن رِکاب ہو جائے |
| ذکرِ حق بے حِساب کرنے سے |
| دُور فکرِ حساب ہو جائے |
| تیرے صدقے غُلام تیرا بھی |
| خادمِ بُو تُراب ہو جائے |
معلومات