| کِیا پیدا جو آدم کو تو ہنگامہ ہوا یکدم |
| فرشتے کہہ رہے تھے پھر چلو دربار میں ہمدم |
| جو دیکھا خاکِ آدم کو زبانِ یک سے سب بولے |
| عبادت کو تو ہم کافی ہیں یہ کہہ کر وہ پر تو لے |
| خدایا پھر وہی مخلوق ، کرتی ہیں جو خوں ریزی |
| نہیں جن کے دلوں میں اک ذرا بھی درد و دل سوزی |
| کہا اللہ نے ناداں ابھی خم ہے تری ہستی |
| جہاں میں ابنِ آدم سے بسے گی میری اب بستی |
| ابھی آئینِ حکمت سے ذرا ناآشنا ہو تم |
| ابھی تصویرِ عالم سے نہ صورت آشنا ہو تم |
| جہانِ رنگ و بو میں یہ مرا احکام لاۓ گا |
| زمانے کیلئے میرا یہ پھر پیغام لاۓ گا |
| نیابت اس کو ہے حاصل ہے قبضے میں دلِ عالم |
| حکومت میری ہوگی واں بشکل و صورتِ آدؔم |
| سلیؔماں کو ملی داؤدؔ کو بھی سلطنت اس کی |
| زمینِ عالمِ کن پر ملی پھر مملکت اس کی |
| جو آۓ فاتحِ عالمؔؐﷺ ملی ان کو بھی سلطانی |
| سکھایے آپؐ نے بھی پھر صحابہ کو جہابانی |
| سکھایا حکمرانی کا سبق صدیؔق و عثمؔاں کو |
| عمرؔ،حیدؔر کو ، خالؔد کو ،عبیؔدہ اور سلؔماں کو |
| مسلماں سارے عالم پر ابھی پھر چھانے والا ہے |
| جہاں سے کفر و ظلمت اب سرے سے مٹنے والا ہے |
| طلوعِ صبح سے پہلے ذرا سا شب ابھرتا ہے |
| جہاں سے ظلم و استبداد بھی ایسے ہی مٹتا ہے |
| عروجِ کفر سے گھبرا نہ جا اے حضرتِ انساں! |
| رہو تیار دنیا میں ابھی آنے بہت طوفاں |
| جہاں میں جب تلک قائم خلافت ہو نہیں جاتی |
| مصائب آ تو سکتے ہیں قیامت آ نہیں سکتی |
| غرض آدم کے قصے سے ہمیں یہ درس ملتا ہے |
| خلافت سے جہاں میں دینِ عالم ساز پھلتا ہے |
| ضرورت ہے کہ پھر سے ہو خلافت کی جہاں گیری |
| ہو شوق و ذوقِ سلطانی ، سیاست کی جہاں گیری |
| سیاست دورِ حاضر میں مسلماں کے لئے تلوار |
| ثباتِ دین و دنیا ہے اسی سے عالمِ ابرار |
| اسی سے کفر دہشت میں اسی سے ظلم کو پھٹکار |
| سیاسی زور و قوت عصرِ نو میں مونس و غمخوار |
| رہے گا دین دنیا میں فقط الله کا شاہی ؔ |
| شہنشاہِ جہاں ہے وہ ہے اس کا دین بھی شاہی |
معلومات