| ہوس ہے جسم کی اس میں محبتیں کیسی |
| گھڑی ہیں لوگوں نے دیکھو حکایتیں کیسی |
| جدا تھے ان سے تو ملنے کو ہم تڑپتے تھے |
| ملے تو جاگ اٹھی ہیں عداوتیں کیسی |
| چلو یہ مان لیا سچ تھا جو کہا تم نے |
| یہ دل تو ٹوٹ چکا ہے وضاحتیں کیسی |
| جلا وطن رہے پر قسمتیں نہیں بدلیں |
| یہی لکھا ہے مقدر تو ہجرتیں کیسی |
| غریبِ شہر نے کل رات خودکشی کر لی |
| امیرِ شہر کی دیکھو عبادتیں کیسی |
| سزا بھگت چکے ہونے کی اب چلیں شاہدؔ |
| اب اس کے بعد بھی ہوں گی قیامتیں کیسی |
معلومات