| جو کچھ ہے ان زمینوں میں جو کچھ ہے آسمانوں میں |
| علیؑ کو حق تصرف کا ہے قدرت کے خزانوں میں |
| نہیں ہو نیو میں جس کی تمنّائے عزاداری |
| نہیں پائی گئی رونق کبھی ایسے مکانوں میں |
| حسینؑ آباد ہے ہر اہل دل میں صورتِ دھڑکن |
| عدو کا نام تک ملتا نہیں ہے داستانوں میں |
| خطائے مادری کی جس میں شامل ہوتی ہے پونجی |
| خلافِ شاہؑ فتوے بکتے ہیں ایسی دکانوں میں |
| زباں کھلتی ہے جو زہراؐ و حیدرؑ کی حمایت میں |
| خدا تاثیرِ حق دیتا ہے پھر ایسی زبانوں میں |
| مریضِ بغضِ سرورؑ مر بھی جائے گر جوانی میں |
| نہیں ہوگا وہ شامل پھر بھی جنت کے جوانوں میں |
| قصیدہ پڑھتا رہتا ہے ظہیر ال محمد کا |
| خدائے مصطفیٰ شامل ہے جنکے مدح خوانوں میں |
معلومات