| افق سیاہ ہوا شام بھی ڈھلی آخر |
| خموش ہوگئے ہنگامہ ہاۓ ہستی بھی |
| شبِ سیاہِ ستم زار بھی ہوئی روشن |
| پیامِ ابرِ بہاراں صبا بھی لائی مگر |
| طلوعِ صبحِ مسرت کی جستجو میں صنم |
| نہ جانے کتنے ستارے فضائے گردوں سے |
| گرے ہیں فرش پہ کٹ کٹ کے تارِ ہستی سے |
| شفق کے رنگ میں ڈھل کر لہو لہو ہوکر |
| چراغِ شامِ اذیت کی آبرو لیکر |
| فروزاں انجمنِ جان و دل کیے لیکن |
| وصال و دیدِ مہ و مہر کے تمنائی |
| انہیں نصیب کہاں صبح کی ضیا تابی |
| مگر اے رشکِ فلک نازشِ چمن تم کو |
| نگار خانۂ ہستی ، بہشتِ عالم میں |
| خوشا کہ لالہ و گل نوبنو مبارک ہو |
| ہزار شمع کی ضو ، صبحِ نو مبارک ہو |
معلومات