| چاہے مایوسی کی راہیں مجھے دکھلاتی ہیں |
| الجھنیں مجھ میں الجھ کر بھی تو پچھتاتی ہیں |
| جب کبھی خواہشیں بے ڈھنگ بناتی ہیں مجھے |
| مشکلیں آ کے مِری زندگی سلجھاتی ہیں |
| کس تکلّف سے سجاتا ہوں ہنسی چہرے پر |
| اس کی یادیں ہیں کہ پھر مجھ کو رلا جاتی ہیں |
| تشنگی وصل کی بڑھ جاتی ہے ہر وصل کے بعد |
| اس کی باتیں اور ادائیں یوں مجھے بھاتی ہیں |
| تُو جو آ جائے تو کھِل اٹھتی ہیں کلیاں وہ یہاں |
| تیرے جانے پہ سرِ شام جو مرجھاتی ہیں |
| سرد موسم میں وہ جب بھی نظر آئے ثاقبؔ |
| دھڑکنیں دل کی تِرے سینے کو گرماتی ہیں |
معلومات