| یہ آمد، مصطفیٰ کی ہے، خوشی کا ہے، سماں یارو |
| فلک پر محفلیں جاری، سجے ہیں، دو جہاں یارو |
| مبارک ہو مبارک ہو، ہیں نغمے، جا بجا جاری |
| مسرت میں لگے گردوں، گراں ہے ضوفشاں یارو |
| سجے ہیں عرش و کرسی بھی، ہے رونق بے بہا ہر جا |
| منور دہر کو دیکھیں، ہے روشن لا مکاں یارو |
| ہیں لرزے قصر، قیصر کے، ہوئے آتش کدے ٹھنڈے |
| زہے سالار آئے ہیں، حبیبِ مرسلاں یارو |
| چمک پکڑی ہے ذروں نے، یہ مکہ بھی فروزاں ہے |
| رواں دنیا سے ہے ظلمت، اندھیرا ہے کہاں یارو |
| خدا کے نور جو بن کر، نبی تشریف لائے ہیں |
| ہے قرآں میں عیاں آیا، خدا کا یہ، بیاں یارو |
| بجے جو شادیانے ہیں، سخی سلطاں کے آنے ہیں |
| وجودِ دہر نازاں ہے، ہوئے تاباں زماں یارو |
| بڑی محمود! عظمت ہے، جو آنے مصطفیٰ کے ہیں |
| قدم دلدار کے آئے، ہوئے رفتہ زیاں یارو |
معلومات