| پہلی بارش برسی ہے |
| دل کی مٹی مہکی ہے |
| میں نے ساون آنکھوں میں |
| پیار کی بدلی دیکھی ہے |
| چاند اترا ہے ندّی میں |
| ندّی نیند سے جاگی ہے |
| تیرے آنے سے حالت |
| دیکھ لے اچھی خاصی ہے |
| تیرے ہاتھ کے نقشے میں |
| میری قسمت ابھری ہے |
| پڑھ لو میرے چہرے سے |
| دل کی حالت کیسی ہے |
| خواب میں ماں جو آئی ہے |
| گھر میں خوشبو مہکی ہے |
| دل سینے سے نِکلا ہے |
| آج غزل جو لکھی ہے |
| تیرا ثانی کوئی نہیں |
| ساری دُنیا دیکھی ہے |
| تُو نہ مانی ہاتھ پھیلا |
| سب کا دامن خالی ہے |
معلومات