| زندگانی کے چکر میں پڑ جاؤ گے |
| رائیگانی کے چکر میں پڑ جاؤ گے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| عشق کی نوکری جب کرو گے تو پھر |
| خوش گمانی کے چکر میں پڑ جاؤ گے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| نفرتیں بانٹنے سے ملے گا بھی کیا |
| بدگمانی کے چکر میں پڑ جاؤ گے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| سیکھ لو گے اگر تیرنا جھیل میں |
| گہرے پانی کے چکر میں پڑ جاؤ گے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| دشت کی سیر مہنگی پڑے گی تمہیں |
| بے بیانی کے چکر میں پڑ جاؤ گے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| جب بھی آئے گا کوزہ گری کا ہنر |
| آگ پانی کے چکر میں پڑ جاؤ گے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اس قدر خود پسندی بھی اچھی نہیں |
| نقشِ ثانی کے چکر میں پڑ جاؤ گے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اُس کو مانی اگر دیکھ لو گے کبھی |
| جاں فشانی کے چکر میں پڑ جاؤ گے |
معلومات