جھولی بھری ہے جس نے سرکار کی عطا ہے |
راضی ہے جس پہ مولا وہ جانِ دو سریٰ ہے |
زینت جہانِ بھر کی الطاف سے نبی کے |
دامن میں ہر جہاں کے ہی فیض دلربا ہے |
ہستی نے سانس کھینچا خاطر حبیبِ رب کی |
سارے جہان کو دم ہادی سے ہی ملا ہے |
لو لاک سے عیاں ہے کس کے لئے جہاں ہے |
ہر بزم کا وہ دولہا دلدارِ انبیا ہے |
مانگا ہے میں نے ان کو جو دلربا ہیں سب کے |
یہ آرزو ہے مولا میری جو التجا ہے |
ہے کار ساز واحد اور دل نواز یکتا |
احسان ہے وہ آقا جو دانِ کبریا ہے |
یادِ نبی سے مولا ہر من کو ہی سجا دے |
تریاق ہے جو دل کی اور کانِ کیمیا ہے |
الطاف آئیں مجھ پر آلِ نبی کے ہر دم |
در مصطفیٰ پہ ہمدم مغموم کی ندا ہے |
داتا بڑا خدا ہے قادر ہے قدرتوں پر |
قاسم سدا ہیں آقا مولا نے کہہ دیا ہے |
محمود ایسے جینا بن یار کے خطا ہے |
جو وقت چل رہا ہے اک آس نے دیا ہے |
معلومات