| غزل |
| شراب شیشے سے پینا خراب ہے پیارے |
| کوئی نظر سے پلائے ثواب ہے پیارے |
| ابھی جوانی ہے زورِ شباب ہے پیارے |
| ذرا سنبھل کے زمانہ خراب ہے پیارے |
| قدم قدم پہ سہانا فریب ہے دُنیا |
| جو آب دکھتا ہے ظالم سراب ہے پیارے |
| جو بار بار پڑھوں پھر بھی جی نہ اکتائے |
| مرا حبیب وہ عمدہ کتاب ہے پیارے |
| حسیں لبوں سے جدائی کے بول مت بولو |
| ترے بغیر تو لمحہ عذاب ہے پیارے |
| وبا وہ پھیلی کہ چہرے چھپا لئے سب نے |
| تمام چہروں پہ اب تو نقاب ہے پیارے |
| تو ریختہ کی روایت میں اک نئی کروٹ |
| شہاب تیرا سخن لاجواب ہے پیارے |
| شہاب احمد |
| ۱۵ نومبر ۲۰۲۰ |
معلومات