| محبت مان ہوتی ہے یہی ایمان ہوتی ہے |
| دلوں میں گر اتر جائے تو رب کی شان ہوتی ہے |
| نظر کو صاف رکھتی ہے دلوں کو پاک رکھتی ہے |
| ملاوٹ سے یقیں مانو سدا انجان ہوتی ہے |
| محبت روپ ہے رب کا یہ وحدت کی نشانی ہے |
| اگر ہو شائبہ دل میں تو بس نقصان ہوتی ہے |
| محبت اک کہانی ہے وفا کے سات رنگوں کی |
| جو دھوکہ ہو اگر اس میں تو بس بہتان ہوتی ہے |
| محبت سوچ کے دریا میں تنکے کا سہارا ہے |
| یہ اکثر ڈوبنے کے ڈر سے بھی ہلکان ہوتی ہے |
| محبت صبر کے پیالے سے چکھا گھونٹ ہوتا ہے |
| عقیدت کا یہ کلمہ ہے شکر کی جان ہوتی ہے |
| محبت ساز ہے من کا محبت تن کا منتر ہے |
| محبت بے خودی میں ڈھلنے والا دان ہوتی ہے |
| دلوں کے تار جڑنے سے محبت راگ بنتی ہے |
| محبت دل کے نغموں کی سریلی تان ہوتی ہے |
| محبت جگمگا کر روشنی کو نور دیتی ہے |
| محبت رقص کرتی تتلیوں کا تھان ہوتی ہے |
معلومات