| یہ داستاں تو ہے اک رنجِ نارسائی کی |
| وفا کے نام پہ لوگوں نے بے وفائی کی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| چراغ، چاند، ستاروں کو روشنی دے کر |
| خُدا نے سارے جہاں میں ہے روشنائی کی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| نظامِ رزق ہے رکھا خدا نے ہاتھ اپنے |
| وہ دیکھ بھال ہے کرتا سبھی خدائی کی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہزاروں سال ملیں اُس کو شادمانی کے |
| خدا دراز کرے عمر میرے بھائی کی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| دیارِ غیر میں عزت کمائی ہے مَیں نے |
| دیارِ غیر میں رہ کر یہی کمائی کی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہمارے ساتھ ہوا ہے سلوک غیروں سا |
| ہمارے ساتھ مقّدر نے بے وفائی کی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مری دعا ہے کہ عزّت ملے یہاں سب کو |
| سہے نہ کوئی بھی تکلیف جگ ہنسائی کی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مَیں تھا بھنور میں کنارے پہ آ لگا کیسے |
| کسی نے غیب سے آ کر ہے رہنمائی کی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کتابِِ زیست میں مانی یہ لکھ دیا مَیں نے |
| مریضِ عشق، اجل سے بڑی لڑائی کی |
معلومات