| نہیں ممکن ہماری وہ تمنا سرخرو ہو پھر |
| نہیں ممکن ہمیں پہلی سی تیری آرزو ہو پھر |
| لبوں کی وہ لطافت ،سیم بر، زلفوں کی وہ خوشبو |
| نہیں ممکن کہ تُو پہلی سی جاناں خوب رو ہو پھر |
| فسوں گفتار وہ نظروں کا جادو وہ طلسمِ رخ |
| نہیں ممکن اداؤں میں تری وہ رنگ و بُو ہو پھر |
| مگر میرے قرارِ دل سُنو تم ہی محبت ہو |
| مری چاہت مری راحت مری تم استراحت ہو |
| تمہاری اِن بجھی کالی نگاہوں کی قسم جاناں |
| تمھی ہو زندگی میری تمھی اب میری عادت ہو |
| مری اِس زندگی کی تلخیاں سہتی رہی ہو تم |
| سو تم ہی زندگی میری مری جاں در حقیقت ہو |
معلومات