| مِٹا نہیں مرا نام و نشاں میں زندہ ہوں |
| ابھی تو ہیں مری سانسیں رواں میں زندہ ہوں |
| ابھی تلک مرے جینے کی آس ہے باقی |
| ابھی تلک ہے جگر خوں فشاں میں زندہ ہوں |
| ابھی تلک تو مسلسل دھڑک رہا ہے دل |
| تڑپ رہی ہے ابھی مجھ میں جاں میں زندہ ہوں |
| دکھائی دے رہے ہیں جو نظارے قدرت کے |
| گواہی دیتا ہے سارا جہاں میں زندہ ہوں |
| جلا نہ مجھ کو ستم گر جہان فانی میں |
| بہا نہ گنگا مری استیاں میں زندہ ہوں |
| حیات و موت کی جاری ہے کشمکش لیکن |
| ابھی تو ہے مری ہمت جواں میں زندہ ہوں |
| مرا وجود ترے کام کا نہیں شاید |
| کہ موت زندگی کے درمیاں میں زندہ ہوں |
| خدا گواہ کہ مر کے بھی مر نہیں سکتا |
| بتا اے عشق تری داستاں میں زندہ ہوں |
| غموں نے تو مجھے تنویر مار ڈالا ہے |
| کہ جی رہا ہوں بظاہر کہاں میں زندہ ہوں |
| جہان کہتا ہے تنویر مر چکا ہوں میں |
| نجانے کیوں ہو رہا ہے گماں میں زندہ ہوں |
| تنویر روانہ ،،،،سرگودھا پاکستان |
معلومات