| تقدیرِ وفا میں یہی انجام ہوا کیوں |
| جو خاص تھا دل کے لیے، وہ عام ہوا کیوں |
| جس نام سے روشن تھی مری زیست کی محفل |
| لب پر وہی اب باعثِ آلام ہوا کیوں |
| ہر دور میں پوجے گئے مٹی کے ہی پیکر |
| دنیا میں مگر سچ ہی یوں بدنام ہوا کیوں |
| جس آگ کو گلزار سمجھ بیٹھا تھا ناداں |
| اب شعلوں میں جلنا ہی مرا کام ہوا کیوں |
| وہ جس کی تمنا میں کٹی عمر ہماری |
| اپنا نہ ہوا، غیر کے ہی نام ہوا کیوں |
| دیوانگیِ شوق کی حد تک تو بجا تھا |
| پھر ہوش میں آ کر بھی یہ کہرام ہوا کیوں |
| جس خواب کی تعبیر میں آنکھیں بھی گنوا دیں |
| وہ خواب ہی آنکھوں کے لیے دام ہوا کیوں |
| پیمانِ وفا باندھ کے توڑا بھی اسی نے |
| پھر میرے ہی حصے میں یہ انعام ہوا کیوں |
| ہر موڑ پہ کی جس کی دل و جاں سے عبادت |
| وہ بت ہی مرے قتل کا پیغام ہوا کیوں |
| عادل یہ محبت کا عجب طور ہے دیکھا |
| آغازِ سفر میں ہی یوں ناکام ہوا کیوں |
معلومات