من میں چین کہاں پر ہووے، نین جو اس سے لاگے |
راہ تکے ہیں اُس کی ہر پل ، سب سُکھ چین تیاگے |
آس کی دیوی رات کو آکر میٹھی نیند سُلاوے |
سپنوں میں آ جائے پھر وہ ، اس کارن ہم جاگے |
مدھم مدھم سُر میں اُس کے گیت فضا میں گونجیں |
راگ کے سارے سر گم مل کر جُھک گئے اُس کے آگے |
دھرتی اور آ کاش نے مل کے ، کر ڈالا سب دان |
قسمت کی دیوی نے جو کچھ لکھا اپنے بھاگے |
پوجا پاٹ سے بڑھ کر راضی ہوتا ہے بھگوان |
سیوک جو بندوں کا ، اس کے سیس نوائے آگے |
مالک کی کرپا ہو جس پر ، ساجن اس کے سارے |
عزّت ، شہرت ، دَھن دولت پھر اس کے پیچھے بھاگے |
ناؤ میں جو بیٹھے ، اس کے اندر چھید کریں |
بگلا بھیس سے بہتر ہیں ، جو شور مچائیں کاگے |
طارق آتے جاتے راہ میں دیکھا کر ہر اور |
جو بچ کر چلتا ہے اس کو ، کاہے ٹھوکر لاگے |
معلومات