| اِک کھیل ہے یہ عالَمِ ادنیٰ مِرے آگے |
| بے معنی ہے یہ شانِ زمانہ مِرے آگے |
| کچھ قدر یہ عالم نہیں رکھتا مِرے آگے |
| بازیچہِ اطفال ہے دنیا مِرے آگے |
| ہوتا ہے شَب و روز تَماشہ مِرے آگے |
| بے دین ہوا, راہ سے بھٹکا تِرے پیچھے |
| ہائے, دو جہاں میں ہوا رُسوا تِرے پیچھے |
| کس درد سے کس کرب سے گُزرا تِرے پیچھے |
| مت پوچھ کہ کیا حال ہے میرا تِرے پیچھے |
| تُو دیکھ کہ کیا رنگ ہے تیرا مِرے آگے |
| دشوار ہوئی جاتی ہے جولانیِ گفتار |
| خاموش ہے فکرِ مے میں خاقانیِ گفتار |
| ایسے میں کرے کون فراوانیِ گفتار |
| پھر دیکھیے اندازِ گُل افشانیِ گفتار |
| رکھ دے کوئی پیمانہِ صہبا مِرے آگے |
| مجھ کو نہیں مقصود کسی امر کی تضحیک |
| لیکن میں نے جانے ہیں تِرے عقدہِ باریک |
| ہوں گی کَٹیں انگشت بھی کنعاں میں چلو ٹھیک |
| اِک کھیل ہے اورنگِ سلیماں مِرے نزدیک |
| اِک بات ہے اعجازِ مسیحا مِرے آگے |
معلومات