کتنے حسین ہوتے ہیں تڑپانے والے لوگ! |
آنکھوں سے ہو کہ دل میں اتر جانے والے لوگ! |
اندر سے کالے من لئے ہوتے ہیں بے وفا |
ہنس ہنس کے اپنی باتوں سے بہلانے والے لوگ! |
اپنوں سے دور رہتے ہیں فکرِ معاش میں |
شہروں کی طرف گاؤں سے کچھ آنے والے لوگ! |
دل میں غمِ حیات لئے تار تار ہیں |
ہر وقت بات بات پہ مُسکانے والے لوگ! |
وہ خوش مقال جانتے ہیں گفتگو کا فن |
صحبت سے اپنی لوگوں کو مہکانے والے لوگ! |
دنیا میں شوخ کوئی نہیں تجھ سا نازنیں |
دیکھے بڑے اداؤں پہ اترانے والے لوگ! |
معلومات