| قسمت مِری جگا دو اجمیر والے خواجہ |
| بگڑی مِری بنا دو اجمیر والے خواجہ |
| مشکل کشا کے صدقے صدقے میں مصطفےٰ کے |
| صدقہ مجھے کھِلا دو اجمیر والے خواجہ |
| قدموں میں گر کے جوگی جے پال بولتا ہے |
| رب سے مجھے مِلا دو اجمیر والے خواجہ |
| کشتی ہماری آ کے منجدھار میں پھنسی ہے |
| اب پار تم لگا دو اجمیر والے خواجہ |
| رنج و الم کے باعث مشکل میں زندگی ہے |
| دکھ درد کی دوا دو اجمیر والے خواجہ |
| ہو جائے کاش پوری اتنی سی آرزو ہے |
| اجمیر بھی دِکھا دو اجمیر والے خواجہ |
| دل مضطرب تصدق آنکھیں بھی منتظر ہیں |
| درشن ذرا کرا دو اجمیر والے خواجہ |
معلومات