| عِشق میں تنہائیاں ہیں اور کیا |
| دوستو رُسوائیاں ہیں اور کیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| یہ جو اپنی مُشکلیں ہیں ہم سفر |
| وقت کی انگڑائیاں ہیں اور کیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| دُور تک پھیلی ہوئی ہے تیرگی |
| ہجر کی پرچھائیاں ہیں اور کیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| بج رہی ہیں جو مرے کانوں میں اب |
| درد کی شہنائیاں ہیں اور کیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہر گلی کوچہ تو اب بدنام ہے |
| ہر طرف گمراہیاں ہیں اور کیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| آنکھ سے بہتے ہوئے جو اشک ہیں |
| اُن کی بے پروائیاں ہیں اور کیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| میرے حصّے میں فقط اے جانِ جاں |
| تیری بے اعتنائیاں ہیں اور کیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ساتھ مانی رونقیں وہ لے گیا |
| اب فقط تنہائیاں ہیں اور کیا |
معلومات