| لب پہ ہے تیرا نام کہتا ہوں |
| آپ کو میں سلام کہتا ہوں |
| جان جائے مری غلامی میں |
| خود کو تیرا غلام کہتا ہوں |
| کج روش ہیں قدم مرے لیکن |
| تجھ کو آقا امام کہتا ہوں |
| عشق میں تیرے ہو بسر جیون |
| زندگی ہو تمام کہتا ہوں |
| خاک سے بھی ہے کم مری ہستی |
| جا میں اپنی مقام کہتا ہوں |
| در پہ لا کے مجھے بٹھا لے تو |
| ہو وہیں پھر قیام کہتا ہوں |
| سینہ روشن تری اطاعت ہو |
| اس دعا سے کلام کہتا ہوں |
| اک شفاعت کا ہے سہارا تو |
| دل سے میں یہ پیام کہتا ہوں |
| گل چمن کے اداس ہیں مالک |
| ایک میں ابتسام کہتا ہوں |
| اپنی بے چارگی بتانے کو |
| میں یہی صبح و شام کہتا ہوں |
| ہو نگہ مجھ پہ بھی کوئی شاہد |
| میں بصد احترام کہتا ہوں |
معلومات