چلو اب دور چلتے ہیں |
جہاں موسم سہانا ہو |
جہاں رنگیں نظارے ہوں |
جہاں جھلمل ستارے ہوں |
جہاں بادل ہی بادل ہوں |
جہاں بارش کی جل تھل ہو |
پکڑ لو ہاتھ تم میرا |
چلو اب دور چلتے ہیں |
جہاں پربت کی چوٹی پر |
سہانے پھول کھلتے ہوں |
جہاں پیڑوں کے سائے میں |
ٹھکانہ ہو پرندوں کا |
چلو چل کر اسی گھر میں |
ٹھکانہ ہم بھی کرتے ہیں |
چلو اب دور چلتے ہیں |
یہاں کے لوگ ظالم ہیں |
یہ بستی نا خداؤں کی |
مصائب کی بلاؤں کی |
یہاں جینا نہیں ممکن |
یہاں سے بھاگ چلتے ہیں |
چلو اب دور چلتے ہیں |
معلومات