| رمضان دیکھو عاشقو مہمان آ گیا |
| رحمت لیے یہ صاحبو رمضان آ گیا |
| رمضان کا جو سننے میں اعلان آ گیا |
| ایسے لگا ہے وجد میں ایمان آ گیا |
| لینے کو آیا سحری میں عہدِ وفا مرے |
| افطار میں ہے کرنے کو احسان آ گیا |
| جس میں ہوا ہے اللہ کے قرآن کا نزول |
| قرآن کا لیے ہوئے فیضان آ گیا |
| آئی وہ جیسے باغ میں ہو دلنشیں بہار |
| ایسے ہی دیکھو رحمتِ رحمان آ گیا |
| جاگو اے مومنوں سبھی وہ نعمتیں لیے |
| اعلیٰ جو شان والا ہے مہمان آ گیا |
| تھی میری جو پلک سے پلک انتظار میں |
| سمجھا میں اللہ کا بڑا احسان آ گیا |
| میری ندامتوں کو ملے گا سکون بھی |
| بخشش کا دیکھا ہے مری سامان آ گیا |
| سب کچھ بہا کے لے گیا ارشد بغاوتیں |
| جب رحمتوں میں جوش کا طوفان آ گیا |
| مرزاخان ارشدؔ شمس آبادی |
معلومات