| کہ کرنا کیا ہے کیا کرنا نہیں ہے |
| یہ میں نے اب تلک سوچا نہیں ہے |
| نظر بیمار میری ہو چکی ہے |
| ہوئی مدت تمہیں دیکھا نہیں ہے |
| کچھ ایسے لوگ دل میں بس چکے ہیں |
| کہ جن سے ربط ہے رشتہ نہیں ہے |
| جو دریا سوچ کر میں چل رہا ہوں |
| وہ صحرا ہے کوئی دریا نہیں ہے |
| مجھی سے ہے تعصب وقت کو بھی |
| کبھی میرے لیے ٹھہرا نہیں ہے |
| سخن تیرا تو یوں لگتا ہے جیسے |
| نشہ مے کا ابھی اترا نہیں ہے |
| جو نفرت دل میں رکھتا ہے ہمیشہ |
| کبھی دل وہ یہاں مہکا نہیں ہے |
| میں اپنا درد رکھتا ہوں چھپا کر |
| کوئی مجھ کو یہاں سنتا نہیں ہے |
| ہوئی رخصت ہے ماں اب جو کہ گھر سے |
| کوئی رستہ مرا تکتا نہیں ہے |
| شہادت کا بسا جس میں ہو جزبہ |
| یہاں کوئی وہ دل رکھتا نہیں ہے |
| بھلا دے رب کو جو عشقِ بتاں میں |
| کبھی اس کو سکوں ملتا نہیں ہے |
| یقیں کامل ہے جس کا رب پہ احسنؔ |
| وہ تنہا ہو کے بھی تنہا نہیں ہے |
معلومات